要生存o係呢個年代 本身好難
仲要o係呢個年代 做最純粹既事 難上加難
大概三四年前 強烈意識到
例如要為每一件做既事添加一個意義 果件事先成立
即係每日刷牙 都要俾一個藉口自己刷牙
唔係既話 刷完牙自己都會內疚
明明刷牙係自己同排牙圍內既事（最多係上顎同下顎有d瓜葛、門牙同大牙有d爭寵） 可惜都會因為冇交代清楚 有感打攪到別人而覺得唔好意思
冇人介意排牙乾唔乾淨 只需要你每次有一個非刷不可既意義
咁樣其實好辛苦
同埋歸根究底 都係需要一堆文字既把戲
只要你有冠冕堂皇既理由刷牙，你既牙就有價值，牙乾唔乾淨有冇刷損流牙血唔緊要（再誇張d：其實內裡有冇真正刷過牙都唔緊要）；尤其當慢慢意識到原來刷牙既意義可以大到升上太空，大家都擺個款出黎做個「我咁樣先係叫做刷牙」既意象，而其他默默刷牙既人都唔算係刷牙，係陪刷。
天秤座唔介意同人玩呢個遊戲，但有時都會累，因為非常清楚刷牙係日常，但普世價值要我刷得好enjoy咁我係可以，但我唔肯定個enjoy係真定假，事後都唔再考究，反正我知道每日都要刷。
但我好佩服白羊座係唔太需要跟隨呢種，
就算白羊座po打一篇長篇大論，都係假；當下感覺先係第一。
所有誤會、懷疑，都係不必要，做一件事冇乜特別既理由，想做就做，唔想做就唔做。爽就爽，全力做；唔爽就唔爽，即刻走人。
唔鍾意刷牙，成排牙剝左都仲得，驚你有牙？
瀟灑呀。
Search